रक्तदान कार्यक्रम आयोजना हुँदै
काठमाडौं — मानव सेवामा समर्पित मुनलाइट सोसाइटी नेपालको आयोजनामा तथा नेपाल रेडक्रस सोसाइटी, काठमाडौं जिल्ला शाखाको प्राविधिक सहयोगमा रक्तदान कार्यक्रम आयोजना हुने भएको छ।
रक्तदान जीवनदान भन्ने मूल भावनाका साथ आयोजना गर्न लागिएको उक्त कार्यक्रममा स्वेच्छिक रक्तदाताहरूलाई सहभागी हुन आयोजकले आह्वान गरेको छ। “तपाईंको सानो सहयोगले कसैको जीवन बच्न सक्छ” भन्ने सन्देशसहित कार्यक्रममार्फत रक्तदानको महत्त्व र मानवीय सेवाप्रति जनचेतना अभिवृद्धि गर्ने उद्देश्य राखिएको छ।
कार्यक्रम २०८३ साल भदौ ६ गते शनिबार आयोजना हुनेछ। बिहान १०:०० बजेदेखि बेलुका ४:०० बजेसम्म सञ्चालन हुने रक्तदान कार्यक्रम काठमाडौं महानगरपालिका क्षेत्रअन्तर्गत नागार्जुन नगरपालिका–१ स्थित राधाकृष्ण मन्दिर परिसरमा आयोजना गरिने आयोजकले जनाएको छ।
मुनलाइट सोसाइटी नेपालले स्वस्थ तथा योग्य व्यक्तिहरूलाई कार्यक्रममा उपस्थित भई स्वेच्छिक रक्तदान गर्न आग्रह गरेको छ। एक व्यक्तिले गरेको रक्तदानले आवश्यक परेका बिरामीको उपचारमा महत्वपूर्ण योगदान पुर्याउन सक्ने भएकाले सामाजिक उत्तरदायित्व र मानवीय सेवाको भावनासहित कार्यक्रममा सहभागी हुन सबैमा अपिल गरिएको छ।
कार्यक्रमका लागि नेपाल रेडक्रस सोसाइटी, काठमाडौं जिल्ला शाखाबाट आवश्यक प्राविधिक सहयोग उपलब्ध हुने जनाइएको छ।
कार्यक्रम सम्बन्धी विवरण
* आयोजक: मुनलाइट सोसाइटी नेपाल
* प्राविधिक सहयोग: नेपाल रेडक्रस सोसाइटी, काठमाडौं जिल्ला शाखा
* मिति: २०८३ भदौ ६ गते, शनिबार
* समय: बिहान १०:०० बजेदेखि बेलुका ४:०० बजेसम्म
* स्थान: राधाकृष्ण मन्दिर परिसर, नागार्जुन नगरपालिका–१, काठमाडौं
* मुख्य सन्देश: “रक्तदान गरौं, जीवन बचाऔं !”
रक्तदानलाई नियमित मानवीय सेवाको अभियानका रूपमा अघि बढाउँदै आवश्यक समयमा रगतको अभाव हुन नदिन यस्ता कार्यक्रमको निरन्तरता महत्वपूर्ण हुने आयोजकको विश्वास छ।
सम्पर्क: ९८४०७०७८९४, ९८६४२५९५५१, ९८४२३७४७८५, ९८४५२७९०१९, ९८६००५०२३५
यो खबर पढेर तपाईलाई कस्तो महसुस भयो ?
You need to select CUSTOM location to use this SHORTCODE
प्रतिक्रिया
सम्बन्धित खवर
